ازاي تعمل استراتيجية محتوى بيرفكتو 👌

ازاي تعمل استراتيجية محتوي برفيكتو

“Content marketing is really like a first date. If all you do is talk about yourself, there won’t be a second date.” ~ David Beebe

التسويق بالمحتوى زي اول مقابلة، لو فضلت تحكي عن نفسك مش هتلاقي المقابلة الثانية

دا بالظبط اللي قالة David Beebe وهي طبيعتنا أننا لو فضلنا نتكلم عن نفسنا في أول مقابلة فطبيعي ان الشخص اللي قدامك مش هيديك فرصة للمقابلة الثانية

ودا اللي الشركات الجامدة بتعمله مع الجمهور اللمستهدف الخاص بيها، كل شركة بيبقي ليها استراتيجية محتوي خاصة بيها عن التانية ودا بيرجع تبعا لنوع المجال اللي هي فيه وكمان بيرجع للاستهداف

يعني مثلا لو انا شركة بستهدف البيزنس وأصحاب الشركات فأنا كدا b2b وبيبقى ليها طريقه معينه في تقديم المحتوى أما لو انا شركة بستهدف فئة معينة (موجهه بشكل مباشر للمستهلك) فأنا كدا b2c يعني من شركة لشخص

التسويق بالمحتوى يعتبر الاداة اللي بتبني علاقة بين البراند وبين الجمهور ومن خلالها بتوصل الرسالة الخاصة بالبراند للجمهور

يعني مثلا كوكاكولا رسالتها انها توصلك احساس التفاؤل والسعادة، تطبيقا للتسويق بالمحتوى فهي بتعمل دا من خلال الاعلانات اللي بتقدمها. بتحاول تخليك تعيش المود من خلال التصميمات والانتعاش اللى هتحس بيه من مجرد ما تشوف الاعلان.

كمان بتركز على الإحساس البصري والسمعي، يعني لو ركزت في صوت فتح غطا الازازة او وأنت بتصب الكاكولا في الكأس فبتعيشك في المود عشان تحس انك منتعش

لو ركزت على رسالة سامسونج فهي بتشتغل على أنها تطور دايما من منتجاتها في عالم التطور التكنولوجي عشان تعيش في عالم عالمي، فلو ركزنا في المحتوي اللي سامسونج بتقدمه فهي بتركز على التكنولوجيا والتطوير

عشان تعمل استراتيجية محتوي خاصة بيك او بشركتك لازم تركز الاول علي شوية عناصر هقولك عليها:

• الأهداف

لازم قبل اي كامبين او محتوى بيتكب أو بيتخطط بيكون وراه هدف معين، والهدف دا بيكون تابع لهدف التسويق

الهدف هنا بيسمي Goal وعشان تحدد الأهداف دي بتبقي علي طريقة SMART (محدد، قابل للقياس، قابل للتحقيق، ملائم، محدد بوقت)

• المقاييس

المقاييس هنا بنستخدمها عشان نشوف الأهداف اتحقتت ولا لا فمثلا لو كان هدفي اني احصل علي 500 الف تفاعل على المنصات التسويق الالكتروني في خلال 5 شهور، هنا الهدف اقدر اقيسه من خلال المقياس المناسب للهدف يعني هنا هقيسة بالايكات والمشاركة والتعليق

فكل هدف ليه مقياس مختلف عن التاني

• القنوات

القنوات هي حلقة الوصل بينك وبين الجمهور، بتبقى تقريبا نفس الافلام بتخطط من رواية وسيناريو وحوار وتصوير والي خلافه وفي الآخر بتوصل للجمهور من خلال التلفزيون أو الانترنت وتعتبر الأداة اللي بتربط بينك وبين الجمهور

القنوات بتحددها تبعا لنوع المجال اللي انت فيه وتكون مناسبة للبراند، زي وسائل التواصل الاجتماعي فكل منصة ليها استخدام مختلف عن التاني

• نوع المحتوى

المحتوى موجود بأشكال كتير مش بس الصوره والكلام النصي او المدونات، المحتوى ليه اشكال تانية زي

1. صورة

2. محتوي نصي

3. محتوي صوتي

4. مدونات

5. عرض تقديمي

6. كتيب صغير

7. كورس

8. فيديو

9. اخبار

10. انفوجرافيك

11. دراسة حالة

• الميزانية

هي المصاريف او الفلوس اللي هستخدمها عشان اوصل للجمهور المستهدف في فترة محددة، الاداه اللي بستخدمها عشان اعمل اعلانات واوصل رسالتي للجمهور بشكل أسرع

• نشر المحتوى وتوزيعه

ننزل السينماهات!!

بعد ما حددنا الاستراتيجية اللي هنمشي بيها بيجي دور العرض المباشر وهي اننا ننشر المحتوي على القنوات اللي احنا اخترناها

• تحليل النتائج

بعد فترة بتحلل المحتوي اللي اتنشر واستهلك، بتحدد أي نوع من المحتوى تم استهلاكه بشكل كبير و نحفظه أو تعيد صياغته بشكل تاني

يعني لو كان مدونه علي الويب سايت فممكن اننا نخليه فيديو بسيط او نصمم انفوجرافيك عن حاجه في المدونة

• نبرة الصوت

وهي الطريقة اللي هتكلم بيها للجمهور، لو طبقنا النقطة دي علي المحتوي اللي بتقرأة دلوقت ف الطريقه اللي بتكلم بيها هنا هي طريقة ودودة ومرحة بعض الشئ. في أكثر من طريقة للكلام بيها زي الطريقة الرسمية

1. الغير رسمية

2. الواقعية

3. الاستجوابية

4. المحادثة