يعتبر العصف الذهني (brainstorming) أكثر أشكال التفكير اللي بنمارسها حاليا سواء كان عصف ذهني جماعي أو فردي واللي منهم بنقدر نطلع بأفكار (ideation) كثيرة تفيدنا
لكل عصف ذهني استخدام معين، بالنسبة للعصف الذهني الجماعي فدا بيستخدم بشكل أكبر في حل المشكلات من خلال تجميع الأفكار من المجموعة أما العصف الذهني الفردي فبيستخدم في إنتاج أفكار أكثر من العصف الذهني الجماعي وغالبا بتكون افضل
وبما اننا بنحب الكريتفاتي فهنتكلم عن العصف الذهني الفردي، جهز كباية الشاي كدا وتابع معايا عشان اقولك ايه هي تركاته!
قبل ما تبدأ العصف الذهني حاول انك تكون في مكان هادي جدا ومهيئ لنفسك الجو انك تطلع افكار ابداعية، فمثلا انا بالنسبالي بحب الشاي وبحب اني استخدم ضوء خفيف بجانب الهدوء التام فبحاول اني اوفر لنفسي الجو دا عشان اقدر اوفر لنفسي اني اطلع بأفكار استخدمها…
حدد الموضوع اللي عايز تطلع منه افكار
ورقك وقلمك جاهزين؟!
تمام اكتب الموضوع في الهيد لاين بخط واضح
اربط الموضوع اللي بتبحث عنه بكلمة تانية غير مرتبطة بالموضوع، واربطها الكلمة بالموضوع عشان تطل منها افكار
مفهمتش صح، طب شوف المثال دا
هنفترض اننا مكان بنعلم فيه رسم (دا الموضوع) وعايزين نطلع افكار للمكان
هنربط مثلا كلمة الرسم بالاسد … وتحاول تربط الأسد (الكلمة) بأي حاجه انت مريت بيها زمان، فمثلا تفتكر وانت صغير انك كنت بتروح من المدرسة وتقعد تلون وترسم شكل الأسد في الكتاب. فدا يبهرك ويطلع منه فكرة واللي هي انك تطبع او تعمل حاجه شكل اللي كنت بترسم بيها
فكرة الربط بكلمتين مش متشابهين في الأول بيساعدك انك تطلع افكار مختلفة وتحاول تربط الأفكار أو الحاجة اللي افتكرتها بالموضوع اللي هتكتب عنه
لو الكلمة اللي ربطتها بالموضوع مطلعتش معاك افكار، جرب كلمة تانية
دور وابحث عن صور للموضوع اللي بتتكلم عنه
افتح صور جوجل او اي اداة تانية وابحث عن الموضوع اللي بتتكلم عنه، هتلاقي افكار مختلفة خارجة عن تفكيرك وتقدر تستخدمها تطلع منها افكار تاية
حدد الموارد اللي بتبحث فيها
متسيبش القوس مفتوح…
خصص مواردك وابحث فيها، يمكن يكون التخصيص مش حلو وتحديد للأفكار بس بتخليك اكتر ابداع
شخبط علي الورق
متسبهاش في دماغك … حطها قدام عينك
أوقات الحاجة لما بتبقي في دماغك وتسيبها من غير م تدونها مبتعرفش تفتكرها بسهولة وأحيانا متفتكرهاش خالص، فوجودها قدام عينك هيساعدك انك تتذكرها بشكل كويس وتربطها بفكرة تانية تكون ملائمة ليها
اربط الافكار اللي جمعتها ببعضها. احيانا الشخبطة والحاجه العشوائية بتوصلك لنتيجه في الاخر بس المهم انك تطلع كل اللي ييجي في بالك على الورقة قدامك.
متربطش نفسك بوقت
افتح القوس تاني …
متحددش وقت معين تخلص فيه العصف الذهني، متربطش عقلك بوقت او ديدلاين لانه هيكون محجوز في قاعة بيحاول انه يخلص حاجه عشان يخرج منها لحريته. سيب الحرية لعقلك
في النهاية..
متعتمدش دايما على المصادر في تجميع الافكارومتركنش عقلك، عقلك ملوش حدود حاول دايما انك تستغل دا في تجميع الافكار
Yorumlar