خيل معايا انك كنت قاعد مسحول في تاسكات وفجأة جالك ميل غريب مكتوب فية "انت مستهدف" .. ايه اللي ممكن ييجي في بالك لما تشوف دا.
ايه مستهدف !! انا مستهدف؟!
طب ليه ومن مين؟!
اسئلة كتير هتسألها لنفسك عشان مجرد شوفت جملة من ميل مجهول متعرفش عنه حاجة
تخيل دا بس يحصلك بسبب Attention جالك من ميل
دا يا عزيزي يعتبر أول مرحلة من نموذج AIDA، فنستني هنا شوية كده ونبدأ نتكلم الاول عن AIDA
ال AIDA هو نموذج يصف رحلة العميل قبل ما يشتري المنتج او قبل ما يعمل اي حاجة انت عايز تحققها كمسوق وكل حرف من النموذج بيتكون من مرحلة معنية (الوعي، الاهتمام، الرغبة، القرار)
الوعي (جذب الانتباه)
اول مرحلة واللي هي الوعي أو جذب الانتباه، زي ما شرحنا في المثال الاول اننا لما حاولنا نتخيل انك مستهدف. دخلت في حالة التفكير او اني اجذبك اكتر لانك تعرف استفسارات عن اللي الرسالة. المسوق او كاتب المحتوي بيحاول دايما انه يجذب القارئ أو الجمهور المستهدف عشان يقدر ينفذ الهدف اللي انت محتاجه
لو طبقنا مثلا اول مرحلة علي اعلانات كوكاكولا فبنلاقي دايما ان كوكاكولا بتحاول انها تجذب انتباهك من اول ما الإعلان بيجي قدامك، بتلعب علي الاحساس البصري واستخدام علامتها التجارية والالوان الخاصة بيها فبمجرد ما يجي الاعلان قدامك هي بتعرف تخطف عينك عشان تركز أكثر في الإعلان.
طب تفتكر ايه اللي جذب انتباهك لأنك تقرأ ال Guide دا؟ فكر ورد عليا في الاخر..
الاهتمام
(انا محتاج حد يفهمني)
هو دا بالظبط اللي بتعمله بالنسبة للجمهور المستهدف وهي انك توفر له اللي الحاجة اللي هو محتاجها، ممكن يكون الاهتمام بأكثر من طريقة يعني مثلا لو كتبت لك قصة تقرأها او اني اركز على نقاط الالم اللي بتحس بيها و بتواجهك .. المهم اني اعيشك في مود الاهتمام
كبزنس، في المرحلة دي بتحاول انك توفر خصائص الحاجه اللي بقدمها، بحاول ابين الميزه اللي عندي وانها بردك تكون بتقدملك قيمة حقيقة تفيدك.
لو رجعنا لاعلانات سامسونج ومرورها بمرحلة جذب الانتباه، هتلاقيها بتركز على خصائص ومزايا المنتجات اللي بتقدمها من كاميرا وذاكرة ورام والي خلافة. ففي المرحلة دي لازم نركز على القيمة الحقيقة اللي الجمهور هيستفاد بيها
الرغبة
اي حد اسمه محمد ليه هدية بقيمة 500 جنيه مشتريات من X..
ايه هي ردة فعلك لما تعرف ان البراند المفضل ليك عاملك عرض خاص بأسمك؟ .. طبيعي انك هتتحفز لمجرد انه عرض عشان تروح تشتري من عنده بالعرض دا.
دا بالظبط الرغبة وهي اني احفزك انك تعمل حاجه، ودا بيبقي تحت بند الاهداف اللي عايز تحققها
يعني مثلا لو افترضنا انك براند كاميرا وعايز تزود التفاعل على السوشيال ميديا بنسبة 50% في خلال 3 شهور، ومرورا بتخطيط الكامبين اللي هتمشي بيها عشان تحقق الهدف دا.
الرغبة هنا ممكن تبقي تشجيع للجمهور المستهدف أنه يشارك أجمل لحظاته بالكاميرا اللي هو اشتراها ويشاركها علي السوشيال ميديا تحت هاشتاج مخصص ليك انت كنوع من التحدي ..
طب تفتكر ايه هي الرغبة عشان تحمل بها الكتاب دا ؟!
الفعل (التنفيذ)
حمل التطبيق الآن.
كنوع من اتخاذ الاجراء فأنت بتسهل عملية التنفيذ من خلال وضع CTA مناسب للهدف اللي انت عايز تحققه، ال CTA بيختلف باختلاف الهدف المطلوب فمثلا لو قولنا الهدف زيادة الوعي بالعلامة التجارية فهنا CTA هيكون المشاركة، ولو قولنا الهدف اني اجمع ايميلات ف CTA هيكون املئ الاستمارة.
Comments